ಬೆಳ್ಳುಳ್ಳಿಯಲ್ಲಿ ಅನೇಕ ರೀತಿಯ ಔಷಧೀಯ ಗುಣಗಳನ್ನು ಹೊಂದಿರುತ್ತದೆ. ಬೆಳ್ಳುಳ್ಳಿಯನ್ನು ಹಲವಾರು ರೀತಿಯಿಂದ ಅಡುಗೆ ಯಲ್ಲಿ ಬಳಕೆ ಮಾಡಲಾಗುತ್ತದೆ. ಅದೇ ರೀತಿಯಾಗಿ ಔಷಧಿಯಾಗಿಯೂ ಇದನ್ನು ಉಪಯೋಗಿಸುವರು.
ಬೆಳ್ಳುಳ್ಳಿಯ ಮೂರು ಎಸಲನ್ನು ಊಟಕ್ಕೆ ಮೊದಲು ಸೇವನೆ ಮಾಡಿದರೆ ಆಗ ಅದ್ಭುತವಾದ ಲಾಭಗಳನ್ನು ಪಡೆಯಬಹುದು. ಬೆಳ್ಳುಳ್ಳಿಯು ಹೃದಯಸ್ನೇಹಿಯಾಗಿದೆ ಮತ್ತು ಇದನ್ನು ನಿಯಮಿತವಾಗಿ ಸೇವನೆ ಮಾಡಿದರೆ, ಆಗ ಇದು ಹೃದಯದ ಕಾಯಿಲೆ ಅಪಾಯವನ್ನು ಕಡಿಮೆ ಮಾಡುವುದು.
ಬೆಳ್ಳುಳ್ಳಿಯಲ್ಲಿ ಇರುವ ಸಲ್ಫರ್ ಅಂಶವು ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಮಟ್ಟ ತಗ್ಗಿಸುವುದು. ಇದರಿಂದ ಹೃದಯವು ಆರೋಗ್ಯ ಮತ್ತು ಬಲಿಷ್ಠವಾಗಿರುತ್ತದೆ. ಬೆಳ್ಳುಳ್ಳಿಯಲ್ಲಿ ಇರುವ ಆ್ಯಂಟಿಆಕ್ಸಿಡೆಂಟ್ ಅಂಶವು ಫ್ರೀ ರ್ಯಾಡಿಕಲ್ ವಿರುದ್ಧ ಹೋರಾಡುವುದು. ಇದರಿಂದ ಕ್ಯಾನ್ಸರ್‌ಕಾರಕ ಕೋಶಗಳು ಬೆಳೆಯುವುದು ತಪ್ಪುವುದು. ನಿತ್ಯದ ಆಹಾರ ಕ್ರಮದಲ್ಲಿ ಬೆಳ್ಳುಳ್ಳಿಯನ್ನು ಬಳಸಿಕೊಂಡರೆ ಆಗ ಇದು ಕ್ಯಾನ್ಸರ್ ತಡೆಯಲು ಸಹಕಾರಿ ಆಗಿದೆ.
ಬೆಳ್ಳುಳ್ಳಿಯು ನೈಸರ್ಗಿಕ ರೋಗನಿರೋಧಕವಾಗಿದೆ. ಇದರಲ್ಲಿ ಇರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ವಿವಿಧ ರೀತಿಯ ಸೋಂಕಿನ ವಿರುದ್ಧ ಹೋರಾಡುವುದು ಮತ್ತು ಪ್ರತಿರೋಧಕ ಶಕ್ತಿ ಬಲಪಡಿಸುವುದು. ನಿಯಮಿ ತವಾಗಿ ಬೆಳ್ಳುಳ್ಳಿ ಸೇವನೆ ಮಾಡಿದರೆ ಆಗ ಇದರಿಂದ ಶೀತ ಮತ್ತು ಇತರ ಸೋಂಕುಗಳನ್ನು ದೂರವಿಡಲು ಸಹಕಾರಿ ಆಗಿದೆ.
ಸಂಧಿವಾತದಿಂದ ಬಳಲುತ್ತಿದ್ದರೆ, ಆಗ ನೀವು ಬೆಳ್ಳುಳ್ಳಿಯು ನೈಸರ್ಗಿಕ ಮನೆಮದ್ದಾಗಿದೆ. ಇದರಲ್ಲಿ ಇರುವ ಉರಿಯೂತ ಶಮನಕಾರಿ ಗುಣವು ನೋವು ಕಡಿಮೆ ಮಾಡುವುದು. ಬೆಳ್ಳುಳ್ಳಿಯನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ, ಆಗ ಇದರಿಂದ ಗಂಟಿನ ಆರೋಗ್ಯವು ಸುಧಾರಣೆ ಆಗುವುದು ಮತ್ತು ಚಲನಶೀಲತೆ ಸಿಗುವುದು.
ಜೀರ್ಣಕ್ರಿಯೆ ಕಿಣ್ವಗಳನ್ನು ಉತ್ಪಾದಿಸುವ ಮೂಲಕ ಬೆಳ್ಳುಳ್ಳಿಯು ಜೀರ್ಣಕ್ರಿಯೆಗೆ ಸಹಕಾರಿಯಾಗಿದೆ. ಇದು ಜೀರ್ಣಕ್ರಿಯೆ ವ್ಯವಸ್ಥೆಯನ್ನು ನಿರ್ವಿಷಗೊಳಿಸುವುದು ಮತ್ತು ಪೋಷಕಾಂಶಗಳನ್ನು ಸರಿಯಾಗಿ ಹೀರಿಕೊಳ್ಳಲು ಮತ್ತು ಸಂಪೂರ್ಣ ಜೀರ್ಣಕ್ರಿಯೆ ಆರೋಗ್ಯಕ್ಕೆ ಸಹಕಾರಿ ಆಗಿದೆ.
ಬೆಳ್ಳುಳ್ಳಿಯಲ್ಲಿ ವಿಟಮಿನ್ ಮತ್ತು ಖನಿಜಾಂಶಗಳಿದ್ದು, ಇದು ಪ್ರತಿರೋಧಕ ವ್ಯವಸ್ಥೆಯನ್ನು ಬಲಪಡಿಸಲು ಸಹಕಾರಿ ಆಗಿದೆ. ಬೆಳ್ಳುಳ್ಳಿಯನ್ನು ಊಟಕ್ಕೆ ಮೊದಲು ಸೇವನೆ ಮಾಡಿದರೆ ಆಗ ಇದು ಅನಾರೋಗ್ಯ ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಸಹಕಾರಿ ಆಗಿರುವುದು.
ಬೆಳ್ಳುಳ್ಳಿಯು ಮೂಳೆಗಳ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ಇದರಲ್ಲಿ ಇರುವ ಪೋಷಕಾಂಶಗಳು ಮೂಳೆಯ ಸಾಂದ್ರತೆ ಮತ್ತು ಶಕ್ತಿ ವೃದ್ಧಿಸುವುದು. ಅದೇ ರೀತಿಯಲ್ಲಿ ಅಸ್ಥಿರಂಧ್ರತೆಯಂತಹ ಮೂಳೆಗಳ ಸಮಸ್ಯೆ ಯನ್ನು ಇದು ದೂರ ಮಾಡುವುದು.
ಬೆಳ್ಳುಳ್ಳಿಯು ದೇಹದೊಳಗಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಮಾತ್ರವಲ್ಲದೆ, ಚರ್ಮಕ್ಕೂ ಲಾಭಕಾರಿ. ಇದರಲ್ಲಿ ಇರುವ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಆ್ಯಂಟಿಆಕ್ಸಿಡೆಂಟ್ ಅಂಶವು ಚರ್ಮವನ್ನು ಸೋಂಕಿ ನಿಂದ ರಕ್ಷಿಸುವುದು ಮತ್ತು ಆರೋಗ್ಯಕಾರಿ ಕಾಂತಿ ಒದಗಿಸುವುದು.
ಬೆಳ್ಳುಳ್ಳಿಯು ಚಯಾಪಚಯ ವೃದ್ಧಿ ಮಾಡುವುದು ಮತ್ತು ಹಸಿವನ್ನು ನಿಯಂತ್ರಿಸಿ ತೂಕ ಇಳಿಸಲು ಸಹಕಾರಿ ಆಗಿದೆ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಿಸುವುದು ಹಾಗೂ ತೂಕವನ್ನು ಆರೋಗ್ಯಕಾರಿ ಆಗಿ ಕಾಪಾಡಲು ಸಹಕಾರಿ ಆಗಿದೆ.
