ಬೆಂಗಳೂರು: ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರೋ ಕೊನೇ ಟಿ20 ಪಂದ್ಯದಲ್ಲಿ ಅಫ್ಘಾನ್ ತಂಡಕ್ಕೆ ಟೀಂ ಇಂಡಿಯಾ 213 ರನ್ ಬಿಗ್ ಟಾರ್ಗೆಟ್ ಕೊಟ್ಟಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾಗೆ ಆರಂಭಿಕ ಆಘಾತ ಕಾದಿತ್ತು. ಆರಂಭದಲ್ಲೇ ಟೀಂ ಇಂಡಿಯಾ ಸಾಲು ಸಾಲು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು.
ಆರಂಭದಿಂದಲೂ ಏಕಾಂಗಿ ಹೋರಾಟ ನಡೆಸಿದ ಕ್ಯಾಪ್ಟನ್ ರೋಹಿತ್ ಶರ್ಮಾ ಕೇವಲ 69 ಬಾಲ್ನಲ್ಲಿ 8 ಸಿಕ್ಸರ್, 11 ಫೋರ್ ಸಮೇತ 121 ರನ್ ನೀಡಿದರು. ಟಿ20 ಕ್ರಿಕೆಟ್ನಲ್ಲೇ ರೋಹಿತ್ ತನ್ನ 5ನೇ ಶತಕ ದಾಖಲಿಸಿದರು.
ಇನ್ನೊಂದೆಡೆ ಅಬ್ಬರಿಸಿದ ರಿಂಕು ಸಿಂಗ್ ಕೇವಲ 39 ಬಾಲ್ನಲ್ಲಿ 6 ಸಿಕ್ಸರ್, 2 ಫೋರ್ ಸಮೇತ 69 ರನ್ ನೀಡಿದರು.
ಟೀಂ ಇಂಡಿಯಾ 4 ವಿಕೆಟ್ ನಷ್ಟಕ್ಕೆ 212 ರನ್ ಪೇರಿಸಿದೆ. ಈ ಮೂಲಕ ಅಫ್ಘಾನ್ ತಂಡಕ್ಕೆ 213 ರನ್ ಬಿಗ್ ಟಾರ್ಗೆಟ್ ಕೊಟ್ಟಿದೆ.
