ಮೊಟ್ಟೆ ಆಫರ್ ನೋಡಿ 48 ಸಾವಿರ ಕಳೆದುಕೊಂಡ ಮಹಿಳೆ

ಆ ಮೆಸೇಜ್ ಕ್ಲಿಕ್ ಮಾಡಿ ನೋಡಿದಾಗ 48 ಮೊಟ್ಟೆ ಅಂದರೆ 4 ಡಜನ್ ಮೊಟ್ಟೆಗೆ ಕೇವಲ 49 ರೂ. ಆಫರ್ ಇರುವುದು ಗಮನಿಸಿದ್ದಾರೆ. ಅಂದರೆ 1 ಮೊಟ್ಟೆಗೆ 1 ರೂ. ನಂತರ ಡೆಲಿವರಿ ವಿಳಾಸ ಹಾಗೂ ಮೊಬೈಲ್ ನಂಬರ್ ಹಾಗೂ ಕಳುಹಿಸಲು ಕ್ರೆಡಿಟ್ ಕಾರ್ಡ್ ವಿವರಗಳನ್ನು ಭರ್ತಿ ಮಾಡಿದ ಬಳಿಕ ಮೊಬೈಲ್‍ಗೆ ಬಂದ ಒಟಿಪಿ ನಂಬರ್ ನಮೂದಿಸಿ ಕೇವಲ 49 ರೂ. ಪಾವತಿಸಿದ್ದರು.

ಇದಾದ ಕೆಲ ನಿಮಿಷಗಳಲ್ಲೇ ಮಹಿಳೆ ಅಕೌಂಟ್‍ನಿಂದ 48,199 ರೂ. ಕಡಿತವಾಗಿರುವ ಮೆಸೇಜ್ ಬಂದಿದೆ. ತಕ್ಷಣ ಗಮನಿಸಿದ ಮಹಿಳೆ ತಕ್ಷಣ ಬ್ಯಾಂಕ್‍ಗೆ ಮಾಹಿತಿ ನೀಡಿ ಕ್ರೆಡಿಟ್ ಕಾರ್ಡ್ ಅಕೌಂಟ್ ಬ್ಲಾಕ್ ಮಾಡಿಸಿ ಸೈಬರ್ ಕ್ರೈಂ ಸಹಾಯವಾಣಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಮಾಹಿತಿ ತಿಳಿದು ಹತ್ತಿರದ ಪೊಲೀಸ್ ಠಾಣೆಗೆ ದೂರು ನೀಡುವಂತೆ ಹೇಳಿದ್ದಾರೆ. ಸದ್ಯ ದೂರು ದಾಖಲಾಗಿದೆ.