ಬೆಂಗಳೂರು: ರೆಬೆಲ್ ಸ್ಟಾರ್’, ‘ಕರ್ನಾಟಕದ ಕರ್ಣ’, ‘ಮಂಡ್ಯದ ಗಂಡು’… ಹೀಗೆ ಸಾಗುತ್ತದೆ ನಟ ಅಂಬರೀಷ್ ಅವರಿಗೆ ಇರುವ ಬಿರುದುಗಳ ಪಟ್ಟಿ. ಮಾಜಿ ಸಚಿವರಾಗಿದ್ದ, ಕನ್ನಡ ಚಿತ್ರರಂಗದ ಅಜಾತಶತ್ರುವಾಗಿದ್ದ ಅಂಬಿ, ಇಂದಿಗೆ (ನ.24) ನಮ್ಮನ್ನಗಲಿ ಐದು ವರ್ಷ ಆಗಿದೆ.
ಮಂಡ್ಯದ ಗಂಡು ಇದ್ದಷ್ಟು ದಿನ ಎಲ್ಲರನ್ನು ರಂಜಿಸಿಯೇ ಹೋಗಿದ್ದು ಎಲ್ಲರ ಮನದಲ್ಲಿ ಶಾಶ್ವತವಾಗಿ ನೆಲೆಸಿದ್ದಾರೆ
ಸಿನಿಮಾ ಮಾತ್ರವಲ್ಲದೆ, ರಾಜಕೀಯರಂಗದಲ್ಲೂ ಅಂಬರೀಷ್ ಖ್ಯಾತರಾಗಿದ್ದರು. ಶಾಸಕ, ಸಂಸದ, ಸಚಿವ, ಕೇಂದ್ರ ಸಚಿವರಾಗಿಯೂ ಅವರು ಕೆಲಸ ಮಾಡಿದ್ದರು. ಎಲ್ಲ ಪಕ್ಷದ ಮುಖಂಡರ ಜೊತೆಗೆ ಉತ್ತಮ ಒಡನಾಟ ಹೊಂದಿದ್ದರು. ಇನ್ನು ಇವತ್ತು ಅಂಬಿ ಪುತ್ರ ಅಭಿಷೇಕ್ ನಟನೆಯ ಸಿನಿಮಾ ಬ್ಯಾಡ್ ಮ್ಯಾನರ್ಸ್ ಚಿತ್ರ ಕೂಡ ರಿಲೀಸ್ ಆಗುತ್ತಿದೆ.
