ಬೆಳಗಿನ ಉಪಾಹಾರಕ್ಕಾಗಿ ನೀವು ಸೇವಿಸುವ ಆಹಾರವು ನಿಮ್ಮ ಇಡೀ ದಿನಕ್ಕೆ ಶಕ್ತಿಯನ್ನು ನೀಡುತ್ತದೆ. ವಾಸ್ತವವಾಗಿ, ಪ್ರೋಟೀನ್ ಮತ್ತು ಫೈಬರ್‌ನ್ನೊಳಗೊಂಡ ಪೌಷ್ಟಿಕಾಂಶದ ಉಪಹಾರವು ದಿನವಿಡೀ ರಕ್ತದಲ್ಲಿನ ಸಕ್ಕರೆಯ ಏರಿಳಿತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ರಕ್ತದಲ್ಲಿನ ಗ್ಲೂಕೋಸ್ ಸ್ಪೈಕ್ ಮತ್ತು ಕ್ರ್ಯಾಶ್‌ಗಳನ್ನು ತಪ್ಪಿಸುವುದು ನಿಮ್ಮ ಹೃದಯರಕ್ತನಾಳದ ಕಾಯಿಲೆ, ಅಧಿಕ ರಕ್ತದೊತ್ತಡ, ಬೊಜ್ಜು (Fat) ಮತ್ತು ಟೈಪ್ 2 ಮಧುಮೇಹದ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಉತ್ತಮ ಬ್ಲಡ್ ಶುಗರ್‌ಗೆ ಅತ್ಯುತ್ತಮ ಉಪಹಾರ ಆಹಾರಗಳು:
1. ಸಂಪೂರ್ಣ ಧಾನ್ಯದ ಗ್ರಾನೋಲಾದೊಂದಿಗೆ ಗ್ರೀಕ್ ಯೋಗರ್ಟ್‌:
ಗ್ರೀಕ್ ಯೋಗರ್ಟ್‌ ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿದೆ, ಇದು ಕಡುಬಯಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದನ್ನು ಧಾನ್ಯದ ಗ್ರಾನೋಲಾದೊಂದಿಗೆ ತಿನ್ನುವುದು ಫೈಬರ್ ಮತ್ತು ನಿಧಾನವಾಗಿ ಜೀರ್ಣವಾಗುವ ಕಾರ್ಬೋಹೈಡ್ರೇಟ್‌ಗಳನ್ನು ಒದಗಿಸುತ್ತದೆ, ಅದು ನಮಗೆ ಶಕ್ತಿಯನ್ನು ನೀಡುತ್ತದೆ ಎಂದು ಪೌಷ್ಟಿಕತಜ್ಞರಾದ ಸಿಡ್ನಿ ಎಂಗ್ಬರ್ಗ್ ಹೇಳುತ್ತಾರೆ.
ಗ್ರೀಕ್ ಯೋಗರ್ಟ್‌ಗೆ ಹಣ್ಣು ಮತ್ತು ಸೀಡ್ಸ್‌ ಅಥವಾ ಸ್ಟ್ರಾಬೆರಿ ಮತ್ತು ಯೋಗರ್ಟ್‌ ಪರ್ಫೈಟ್ ಅನ್ನು ಸೇರಿಸಿ ಇದು ಹೆಚ್ಚು ರುಚಿಯನ್ನು ನೀಡುತ್ತದೆ ಎಂದು ಅವರು ಹೇಳುತ್ತಾರೆ.
2. ಮೊಟ್ಟೆಗಳು:
ಮೊಟ್ಟೆಗಳು ಪ್ರೋಟೀನ್‌ನ ಬಹುಮುಖ, ಉತ್ತಮ-ಗುಣಮಟ್ಟದ ಮೂಲವಾಗಿದೆ. ರಕ್ತದಲ್ಲಿನ ಸಕ್ಕರೆಯನ್ನು ಸಮತೋಲನಗೊಳಿಸಲು ಮೊಟ್ಟೆಗಳು ಉತ್ತಮ ಉಪಹಾರ ಆಯ್ಕೆಯಾಗಿದೆ ಎಂದು ಪಾಲಿನ್ಸ್ಕಿ-ವೇಡ್ ತಿಳಿಸಿದ್ದಾರೆ.
ಮೊಟ್ಟೆಗಳಿಂದ ನಾವು ಹಲವಾರು ವಿಭಿನ್ನ ಭಕ್ಷ್ಯಗಳನ್ನು ತಯಾರಿಸಬಹುದು ಹಾಗೂ ನಿಮ್ಮ ರಕ್ತದ ಸಕ್ಕರೆಯನ್ನು ಸ್ಥಿರಗೊಳಿಸಲು ಸಹಾಯ ಮಾಡುವ ಪ್ರೊಟೀನ್-ಸಮೃದ್ಧ ಉಪಹಾರಕ್ಕಾಗಿ, ಸ್ಕಿಲ್ಲೆಟ್ ಸ್ಕ್ರ್ಯಾಂಬಲ್ಡ್ ಮೊಟ್ಟೆಗಳನ್ನು ತರಕಾರಿಗಳೊಂದಿಗೆ ಬಳಸಿ ಎಂದು ಪಾಲಿನ್ಸ್ಕಿ-ವೇಡ್ ಹೇಳುತ್ತಾರೆ.
3. ಬೆರ್ರಿ ಹಣ್ಣುಗಳು:
ಬೆರ್ರಿಗಳು ಸಿಹಿ ರುಚಿಯನ್ನು ಹೊಂದಿದ್ದರೂ, ಅವು ನಿಮ್ಮ ರಕ್ತದ ಸಕ್ಕರೆಯ ಮೇಲೆ ವಿಸ್ಮಯಕಾರಿಯಾಗಿ ಪ್ರಯೋಜನಕಾರಿ ಪರಿಣಾಮವನ್ನು ಬೀರುತ್ತವೆ, ಅವುಗಳು ನಿಮ್ಮ ಉಪಹಾರಕ್ಕೆ ಸೂಕ್ತವಾದ ಆಹಾರ ಎಂದು ಪೌಷ್ಟಿಕತಜ್ಞ ಮತ್ತು ಗ್ರೇಸಿಯಸ್ಲಿ ನ್ಯೂರಿಶ್ಡ್‌ನ ಮಾಲೀಕರಾದ ಕೆಲ್ಸಿ ಕುನಿಕ್ ತಿಳಿಸುತ್ತಾರೆ.
ಬೆರ್ರಿಗಳು ಫೈಬರ್, ಉತ್ಕರ್ಷಣ ನಿರೋಧಕಗಳು, ಜೀವಸತ್ವಗಳು ಮತ್ತು ಖನಿಜಗಳಿಂದ ತುಂಬಿರುತ್ತವೆ ಮತ್ತು ಈ ಹಣ್ಣುಗಳನ್ನು ನಿಯಮಿತವಾಗಿ ಸೇವಿಸಿದಾಗ ರಕ್ತದಲ್ಲಿನ ಗ್ಲೂಕೋಸ್, ಕೊಲೆಸ್ಟ್ರಾಲ್ ಮತ್ತು ರಕ್ತದೊತ್ತಡವನ್ನು ಸುಧಾರಿಸುತ್ತದೆ ಎಂದು ಅವರು ಸೂಚಿಸಿದ್ದಾರೆ.
4. ಧಾನ್ಯದ ಟೋಸ್ಟ್‌ನಲ್ಲಿ ಕಾಟೇಜ್ ಚೀಸ್ ಮತ್ತು ಟೊಮೆಟೊ:
ಟೋಸ್ಟ್ ಅದ್ಭುತವಾದ ತ್ವರಿತ ಉಪಹಾರ ಆಯ್ಕೆಯಾಗಿದೆ. ಬಿಳಿ ಬ್ರೆಡ್‌ನಂತಹ ಸಂಸ್ಕರಿಸಿದ ಧಾನ್ಯಗಳಿಗಿಂತ ಸಂಪೂರ್ಣ ಧಾನ್ಯದ ಉತ್ಪನ್ನಗಳು ಹೆಚ್ಚಿನ ಫೈಬರ್ ಅನ್ನು ಒದಗಿಸುತ್ತವೆ ಎಂದು ಎಂಗ್ಬರ್ಗ್ ತಿಳಿಸಿದ್ದಾರೆ.
ನಿಮ್ಮ ಫೈಬರ್ ಸೇವನೆಯನ್ನು ಹೆಚ್ಚಿಸಲು ಅಥವಾ ಬೆಳಿಗ್ಗೆ ಶಕ್ತಿಯ ಮಟ್ಟವನ್ನು ಹೆಚ್ಚಿಸಲು ನೀವು ಬಯಸಿದರೆ, ಇದು ಅದ್ಭುತ ಆಯ್ಕೆಯಾಗಿದೆ ಎಂದು ಎಂಗ್ಬರ್ಗ್ ಹೇಳುತ್ತಾರೆ.
ಕಾಟೇಜ್ ಚೀಸ್ ಸಹ ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿದೆ, ಮತ್ತು ಟೊಮೆಟೊ ಚೂರುಗಳನ್ನು ಸೇರಿಸುವುದರಿಂದ ಫೈಟೊನ್ಯೂಟ್ರಿಯೆಂಟ್‌ಗಳನ್ನು ಸೇರಿಸುತ್ತದೆ ಎಂದು ಎಂಗ್ಬರ್ಗ್ ಹೇಳುತ್ತಾರೆ.
5. ಪಿಸ್ತಾ:
ಪಿಸ್ತಾಗಳು ಪ್ರೋಟೀನ್, ಅಪರ್ಯಾಪ್ತ ಕೊಬ್ಬುಗಳು ಮತ್ತು ಫೈಬರ್‌ನ ಸಮತೋಲಿತ ಮಿಶ್ರಣವನ್ನು ಒದಗಿಸುವುದರಿಂದ ಬೆಳಗ್ಗಿನ ಉಪಹಾರದಲ್ಲಿ ಸೇರಿಸಲು ಅತ್ಯುತ್ತಮ ಆಯ್ಕೆಯಾಗಿದೆ.
ಈ ಪಿಸ್ತಾ ಮತ್ತು ಪೀಚ್ ಟೋಸ್ಟ್ ರೆಸಿಪಿಯು ನಿಮ್ಮ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಹೆಚ್ಚು ಸಹಾಯಕವಾಗಿದೆ ಎಂದು ವೈದ್ಯರು ಹೇಳುತ್ತಾರೆ.
6. ಕಡಲೆಕಾಯಿ ಬೆಣ್ಣೆ(ಪೀನಟ್ ಬಟರ್):
ಬೆಳಗಿನ ಉಪಾಹಾರಕ್ಕೆ ಕಡಲೆಕಾಯಿ ಬೆಣ್ಣೆಯನ್ನು ಸೇರಿಸುವುದರಿಂದ ದೇಹದ ರಕ್ತದಲ್ಲಿನ ಸಕ್ಕರೆಯ ಪ್ರತಿಕ್ರಿಯೆಯನ್ನು ಸುಧಾರಿಸಬಹುದು, ಇದರಿಂದಾಗಿ ರಕ್ತದಲ್ಲಿನ ಸಕ್ಕರೆಯ ಸ್ಪೈಕ್ ಅನ್ನು ಕಡಿಮೆ ಮಾಡುತ್ತದೆ ಎಂದು ಕುನಿಕ್ ಹೇಳುತ್ತಾರೆ.
ಕಡಲೆಕಾಯಿ ಬೆಣ್ಣೆಯು ಪ್ರಾಥಮಿಕವಾಗಿ ಕೊಬ್ಬು ಮತ್ತು ಪ್ರೋಟೀನ್‌ನಿಂದ ಕೂಡಿದೆ, ಇದು ಕಾರ್ಬೋಹೈಡ್ರೇಟ್‌ಗಳ ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸಲು ಸಹಾಯ ಮಾಡುತ್ತದೆ” ಎಂದು ಅವರು ವಿವರಿಸುತ್ತಾರೆ.
7. ಆವಕಾಡೊ:
ಈ ಹಣ್ಣಿನಲ್ಲಿ ಆರೋಗ್ಯಕರ ಅಪರ್ಯಾಪ್ತ ಕೊಬ್ಬುಗಳು ಮತ್ತು ಫೈಬರ್ ಅಧಿಕವಾಗಿದೆ, ಇದರಿಂದಾಗಿ ರಕ್ತದಲ್ಲಿನ ಸಕ್ಕರೆಯ ಸ್ಪೈಕ್ ಅನ್ನು ಕಡಿಮೆ ಮಾಡುತ್ತದೆ ಹಾಗೂ ನೀವು ಈ ಹಣ್ಣನ್ನು ಟೋಸ್ಟ್ ಅಥವಾ ಮೊಟ್ಟೆಗಳೊಂದಿಗೆ (ಅಥವಾ ಎರಡೂ) ತಿನ್ನಬಹುದು ಎಂದು ಪಾಲಿನ್ಸ್ಕಿ-ವೇಡ್ ಸೂಚಿಸುತ್ತಾರೆ.
