ಮುಂಬೈ: ನಟ ಅಜಯ್ ದೇವಗನ್ ನಟನೆಯ ಇತ್ತೀಚೆಗೆ ತೆರೆಕಂಡ ‘ಶೈತಾನ್’ ಸಿನಿಮಾ ಸೂಪರ್ ಹಿಟ್ ಆಗಿದೆ. ಮೊದಲ ಎರಡು ದಿನ ‘ಶೈತಾನ್’ ಚಿತ್ರಕ್ಕೆ ಉತ್ತಮ ಕಲೆಕ್ಷನ್ ಆಗಿದೆ. ಈ ಸಿನಿಮಾ 3ನೇ ದಿನ ಒಂದು ಮ್ಯಾಜಿಕ್ ಆಗುವ ನಿರೀಕ್ಷೆ ಇದೆ. ಬೆಚ್ಚಿ ಬೀಳಿಸುವಂತಹ ಹಾರರ್ ಕಥಾಹಂದರ ಇರುವ ‘ಶೈತಾನ್’ ಸಿನಿಮಾವನ್ನು ಪ್ರೇಕ್ಷಕರು ಮೆಚ್ಚಿಕೊಂಡಿದ್ದಾರೆ.
ಮೊದಲ ದಿನ ಈ ಚಿತ್ರ 15.21 ಕೋಟಿ ರೂಪಾಯಿ ಗಳಿಸಿತು. ಎರಡನೇ ದಿನವಾದ ಶನಿವಾರ ವೀಕೆಂಡ್ ಆದ್ದರಿಂದ ಭರ್ಜರಿ ಕಲೆಕ್ಷನ್ ಆಯಿತು. ಅಂದು (ಮಾರ್ಚ್ 09) ‘ಶೈತಾನ್’ ಸಿನಿಮಾ ಬರೋಬ್ಬರಿ 19.18 ಕೋಟಿ ರೂಪಾಯಿ ಗಳಿಸಿತು.
ಮೂರನೇ ದಿನವಾರ ಮಾರ್ಚ್ 10ರಂದು ಭಾನುವಾರ ಈ ಸಿನಿಮಾ 25 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡುವ ನಿರೀಕ್ಷೆ ಇದೆ.
ಅಜಯ್ ದೇವಗನ್ ಅವರು ಪ್ರಮುಖ ಪಾತ್ರ ಮಾಡಿದ್ದಾರೆ. ಅಜಯ್ ದೇವಗನ್ ಎದುರು ವಿಲನ್ ಆಗಿ ಆರ್. ಮಾಧವನ್ ಅಬ್ಬರಿಸಿದ್ದಾರೆ. ಅಜಯ್ ದೇವಗನ್ ಪತ್ನಿಯ ಪಾತ್ರದಲ್ಲಿ ಜ್ಯೋತಿಕಾ ಕಾಣಿಸಿಕೊಂಡಿದ್ದಾರೆ.
