ಅಮೇರಿಕಾದಲ್ಲಿ ಭಾರತದ ಇಬ್ಬರು ವಿದ್ಯಾರ್ಥಿಗಳ ಸಾವು; ಹೋದ ಎರಡೇ ವಾರದಲ್ಲಿ ಮತ್ಯು

ಹೈದರಾಬಾದ್: ತೆಲಂಗಾಣದ ವಾನಪ್ರತಿ ಮತ್ತು ಆಂಧ್ರದ ಶ್ರೀಕಾಕುಲಂನ ಇಬ್ಬರು ವಿದ್ಯಾರ್ಥಿಗಳು ತಮ್ಮ ವಸತಿಯಲ್ಲಿ ಸಾವನ್ನಪ್ಪಿರುವ ಘಟನೆ ಬೆಳಕಿಗೆ ಬಂದಿದೆ.

ಇಬ್ಬರೂ ಎರಡು ವಾರಗಳ ಹಿಂದಷ್ಟೇ ಅಮೇರಿಕಾಗೆ ತೆರಳಿದ್ದು, ಸಾವಿಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ.

ಮೃತ ವಿದ್ಯಾರ್ಥಿಗಳನ್ನು ಜಿ. ದಿನೇಶ್ (೨೨) ಮತ್ತು ನಿಕೇಶ್ (೨೧) ಎಂದು ಗುರುತಿಸಲಾಗಿದೆ.

ದಿನೇಶ್ ಉನ್ನತ ಶಿಕ್ಷಣಕ್ಕೆಂದು ಕಳೆದ ವರ್ಷ ಡಿ. ೨೮ರಂದು ಅಮೇರಿಕಾಗೆ ಹೋಗಿದ್ದು, ನಿಕೇಶ್ ಕೆಲ ದಿನಗಳ ನಂತರ ತಲುಪಿದ್ದ. ಇಬ್ಬರಿಗೂ ಮೊದಲಿನಿಂದ ಪರಿಚಯವಿದ್ದ ಕಾರಣ ಒಟ್ಟಿಗೇ ವಾಸವಿದ್ದರು.

ದಿನೇಶ್ ನ ದೇಹವನ್ನು ಭಾರತಕ್ಕೆ ತರುವ ಬಗ್ಗೆ ಕೇಂದ್ರ ಪ್ರವಾಸೋದ್ಯಮ ಸಚಿವ ಜಿ. ಕಿಶನ್ ರೆಡ್ಡಿ ಹಾಗು ತೆಲಂಗಾಣದ ಮುಖ್ಯಮಂತ್ರಿ ರೇವಂತ್ ರೆಡ್ಡಿಯವರ ಸಹಾಯ ಕೇಳಿರುವುದಾಗಿ ದಿನೇಶ್ ನ ಪರಿವಾರದವರು ತಿಳಿಸಿದ್ದಾರೆ. ಈ ಬಗ್ಗೆ ವಾನಪರ್ತಿಯ MLA ಟಿ. ಮೇಘಾ ರೆಡ್ಡಿ ಮುಖ್ಯಮಂತ್ರಿಗಳ ಬಳಿ ಚರ್ಚಿಸಿರುವುದಾಗಿ ತಿಳಿದುಬಂದಿದೆ.

ಅವರಿಬ್ಬರೂ ಇತ್ತೀಚೆಗೆ ಅಮೇರಿಕಾಗೆ ಹೋಗಿದ್ದ ಕಾರಣ ಎರಡು ಪರಿವಾರಗಳ ನಡುವೆ ಯಾವುದೇ ಪರಿಚಯವಿಲ್ಲ