ನವಲಗುಂದ: ಪಟ್ಟಣದ ಎಲ್ಲಾ ದೇವಸ್ಥಾನದಲ್ಲಿ ಇಂದು ಜನಜಾಗೃತಿ ಸಮಿತಿ ವತಿಯಿಂದ ದೇವರ ದರ್ಶನಕ್ಕೆ ಬರುವ ಭಕ್ತಾದಿಗಳು ಡ್ರೆಸ್ ಕೋಡ್ ಹಾಕುವಂತೆ ಪೋಸ್ಟರ್ ಹಾಕಲಾಯಿತು.
ಕರ್ನಾಟಕ ದೇವಸ್ಥಾನ ಮಹಾಸಂಘ ಮತ್ತು ಜನಜಾಗೃತಿ ಸಮಿತಿ ತಾಲೂಕು ಘಟಕದಿಂದ ಈ ಕಾರ್ಯ ಹಮ್ಮಿಕೊಂಡಿದ್ದು, ದೇವರ ದರ್ಶನಕ್ಕೆ ಬರುವವರು ಉಡುಪುಗಳನ್ನು ಸಾತ್ವಿಕವಾಗಿ ಧರಿಸಿಕೊಂಡು ದೇವಸ್ಥಾನಕ್ಕೆ ದರ್ಶನ ಮಾಡಬೇಕು ಇದರಿಂದ ಸಾತ್ವಿಕತೆ ಹೆಚ್ಚು ಆಗುತ್ತದೆ ಎಂಬ ಮಾಹಿತಿ ಇರುವ ಪೋಸ್ಟರ್ ಮೂಲಕ ಭಕ್ತಾದಿಗಳ ಗಮನಕ್ಕೆ ತರಲಾಯಿತು.
ಈ ವೇಳೆ ದಶರಥ ಕಲಾಲ, ಲಕ್ಷ್ಮಣಸಾ ಪವಾರ, ದಯಾನಂದ ಹೊನಕೇರಿ, ಸುರೇಶ ಭಾಂಡಗೆ, ಕಿರಣ ರಾಯಬಾಗಿ ಸೇರಿದಂತೆ ಅನೇಕರು ಇದ್ದರು.
