ರಾಜ್ಕೋಟ್ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರೋ ಟೆಸ್ಟ್ ಪಂದ್ಯದ ಮೊದಲನೇ ಇನ್ನಿಂಗ್ಸ್ನಲ್ಲಿ ಉತ್ತಮ ಮೊತ್ತ ಕಲೆ ಹಾಕಿದೆ. 131 ಓವರ್ನಲ್ಲಿ 445 ರನ್ಗೆ ಆಲೌಟ್ ಆಗಿದೆ.
ಇನ್ನು, ಟೀಮ್ ಇಂಡಿಯಾದ ಕ್ಯಾಪ್ಟನ್ ರೋಹಿತ್ ಶರ್ಮಾ 131 ಮತ್ತು ಆಲ್‌ರೌಂಡರ್ ರವೀಂದ್ರ ಜಡೇಜಾ 112 ಹಾಗೂ ಸರ್ಫರಾಜ್ ಖಾನ್ ಅಮೋಘ 62 ರನ್ ಸಿಡಿಸಿದ್ರು. ಸರ್ಫರಾಜ್ ಖಾನ್ ತನ್ನ ಮೊದಲ ಪಂದ್ಯದಲ್ಲೇ ಭರವಸೆ ಮೂಡಿಸಿದ್ರು. ಆದರೆ, ವಿನಾಕಾರಣ ರನೌಟ್ ಆದರು. ತಮ್ಮ ಮೊದಲ ಪಂದ್ಯದಲ್ಲೇ ಅರ್ಧಶತಕ ಬಾರಿಸಿ ಉತ್ತಮವಾಗಿ ಆಡುತ್ತಿದ್ದ ಸರ್ಫರಾಜ್ ಖಾನ್ ರನೌಟ್ ಆಗಿದ್ದಕ್ಕೆ ರವೀಂದ್ರ ಜಡೇಜಾ ಕ್ಷಮೆಯಾಚಿಸಿದ್ದಾರೆ. ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಸ್ಟೋರಿ ಹಾಕಿದ್ದ ಜಡೇಜಾ, ಸರ್ಫರಾಜ್ ಖಾನ್ ರನೌಟ್ಗೆ ನಾನೇ ಕಾರಣ ಎಂದಿದ್ದಾರೆ.
ರನೌಟ್ ಆಗಿದ್ದು ಸರ್ಫರಾಜ್ ಖಾನ್ಗೆ ಬೇಸರ ತರಿಸಿದೆ. ಅದು ನನ್ನ ತಪ್ಪು ನಿರ್ಧಾರ. ಚೆನ್ನಾಗಿ ಆಡಿದ್ದೀಯಾ ಸರ್ಫರಾಜ್ ವೆಲ್ ಡನ್ ಎಂದು ರವೀಂದ್ರ ಜಡೇಜಾ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದುಕೊಂಡಿದ್ದಾರೆ.
