ಮಾರ್ಚ್ 29ರಂದು ಬಿಡುಗಡೆ ಆದ ನಾಯಕಿ ಪ್ರಧಾನ ಸಿನಿಮಾ ‘ಕ್ರೂ’ ಬಾಲಿವುಡ್ನಲ್ಲಿ ಮ್ಯಾಜಿಕ್ ಮಾಡಿದೆ ಎಂದರು ತಪ್ಪಾಗಲಾರದು.
ಮೊದಲ ದಿನ ‘ಕ್ರೂ’ ಸಿನಿಮಾ 10.28 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ವಿದೇಶದ ಗಳಿಕೆಯನ್ನೂ ಸೇರಿಸಿದರೆ ಮೊದಲ ದಿನವೇ 20.07 ಕೋಟಿ ರೂಪಾಯಿ ಆಗಿದೆ.
ಕರೀನಾ ಕಪೂರ್ ಖಾನ್, ಟಬು, ಕೃತಿ ಸನೋನ್ ಅವರು ಈ ಸಿನಿಮಾದಲ್ಲಿ ಮುಖ್ಯ ಭೂಮಿಕೆ ನಿಭಾಯಿಸಿದ್ದಾರೆ.ಮಹಿಳೆಯರೇ ಪ್ರಮುಖ ಪಾತ್ರದಲ್ಲಿ ನಟಿಸಿದ ಸಿನಿಮಾಗೆ ಮೊದಲ ದಿನ ಈ ಪರಿ ಕಲೆಕ್ಷನ್ ಆಗಿದ್ದು ಇದೇ ಮೊದಲು.
ನಾಯಕಿ ಪ್ರಧಾನ ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಮೋಡಿ ಮಾಡಿದ್ದು ಕಡಿಮೆ. ಅಪರೂಪಕ್ಕೆ ಎಂಬಂತೆ ಬಾಲಿವುಡ್ನ ‘ಕ್ರೂ’ ಸಿನಿಮಾ . ಈ ಸಿನಿಮಾಗೆ ಫ್ಯಾನ್ಸ್ ಮೆಚ್ಚುಗೆ ಸೂಚಿಸಿದ್ದಾರೆ. ಆ ಮೂಲಕ ಬಾಲಿವುಡ್ ಬಾಕ್ಸ್ ಆಫೀಸ್ನಲ್ಲಿ ‘ಕ್ರೂ’ ಸಿನಿಮಾ ದಾಖಲೆ ಬರೆದಿದೆ.
ಎರಡನೇ ದಿನವಾದ ಶನಿವಾರ (ಮಾರ್ಚ್ 30) ‘ಕ್ರೂ’ ಸಿನಿಮಾದ ಬಿಸ್ನೆಸ್ ಏರಿಕೆ ಕಂಡಿದೆ. 2ನೇ ದಿನ ಈ ಸಿನಿಮಾಗೆ 10.87 ಕೋಟಿ ರೂಪಾಯಿ ಕಲೆಕ್ಷನ್ ಆಗಿದೆ. ಇದು ಸಿನಿಮಾ ತಂಡದ ಖುಷಿಗೆ ಕಾರಣ ಆಗಿದೆ. ಭಾನುವಾರ (ಮಾರ್ಚ್ 31) ಕೂಡ ಅನೇಕ ಕಡೆಗಳಲ್ಲಿ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿದೆ.
ಕಾಮಿಡಿ ಕಥಾಹಂದರವನ್ನು ‘ಕ್ರೂ’ ಸಿನಿಮಾ ಹೊಂದಿದೆ. ಗಗನ ಸಖಿಯರ ಪಾತ್ರದಲ್ಲಿ ಕೃತಿ ಸನೋನ್, ಟಬು ಹಾಗೂ ಕರೀನಾ ಕಪೂರ್ ಅವರು ನಟಿಸಿದ್ದಾರೆ.
