ಕೇರಳ: ಕುಡುಕನೋರ್ವ ಟಿಕೆಟ್ ಕೇಳಿದ್ದಕ್ಕೆ ಚಲಿಸುತ್ತಿದ್ದ ರೈಲಿನಿಂದ ಟಿಟಿಇಯನ್ನು ತಳ್ಳಿದ ಘಟನೆ ಕೇರಳದಲ್ಲಿ ಎರ್ನಾಕುಳಂ-ಪಾಟ್ನಾ ಎಕ್ಸ್ಪ್ರೆಸ್ ರೈಲಿನಲ್ಲಿ ನಡೆದಿದೆ.
ಟಿಟಿಇ ಇಕೆ ವಿನೋದ್ ಎಂಬವರು ಸಾವನ್ನಪ್ಪಿದ್ದಾರೆ. ಆರೋಪಿಯು ಒಡಿಶಾ ಮೂಲದಿಂದ ಬಂದ ವಲಸೆ ಕಾರ್ಮಿಕ ಎಂದು ತಿಳಿದು ಬಂದಿದೆ.
ಮಂಗಳವಾರ ಸಂಜೆ ಏಳು ಗಂಟೆಗೆ ಎರ್ನಾಕುಲಂ-ಪಾಟ್ನಾ ಎಕ್ಸ್ಪ್ರೆಸ್ನ ಎಸ್11 ಕೋಚ್ನಲ್ಲಿ ಕುಡುಕನೋರ್ವ ಚಲಿಸುತ್ತಿದ್ದನು. ಟಿಟಿಇ ವಿನೋದ್ ತನ್ನ ಕೆಲಸದಂತೆ ಆತನ ಬಳಿ ಟಿಕೆಟ್ ಚೆಕ್ಕಿಂಗ್ಗೆ ಬಂದಿದ್ದಾನೆ. ಟಿಕೆಟ್ ಕೇಳಿದ್ದಾನೆ. ಇದಕ್ಕೆ ಕುಡುಕ ಆತನನ್ನು ರೈಲಿನಿಂದ ತಳ್ಳಿದ್ದಾನೆ.
ಮುಳಂಗುನ್ನತುಕಾವು ಮತ್ತು ವಡಕ್ಕಂಚೇರಿ ನಿಲ್ದಾಣದ ನಡುವೆ ವೆಲಪ್ಪಯ ಎಂಬಲ್ಲಿ ಕುಡುಕ ತಳ್ಳಿದ್ದರಿಂದ ವಿನೋದ್ ರೈಲಿನಿಂದ ಹೊರಬಿದ್ದಿದ್ದಾನೆ. ಹೊಬಿದ್ದ ಟಿಟಿಇ ಅಲ್ಲೇ ಸಾವನ್ನಪ್ಪಿದ್ದಾನೆ.
ಪ್ರಾಥಮಿಕ ತನಿಖೆ ನಡೆಸಿದಾಗ ಆತ ಕುಡಿದಿರುವುದು ಗೊತ್ತಾಗಿದೆ.
