ಕುಂದಾಪುರ: ಪ್ರೀತಿಸಿದವರನ್ನು ಪಡೆಯಲು ಪ್ರೇಮಿಗಳು ದೇಶದೇಶಗಳ ಗಡಿ ದಾಟಿ ಬರುತ್ತಿರುವ ಪ್ರಕರಣಗಳು ಇತ್ತೀಚೆಗೆ ಒಂದರಮೇಲೊಂದರಂತೆ ಬೆಳಕಿಗೆ ಬರುತ್ತಿವೆ. ಪಾಕಿಸ್ತಾನದಿಂದ ಭಾರತಕ್ಕೆ ಬಂದ ಸೀಮಾ ಹೈದರ್, ಭಾರತದಿಂದ ಪಾಕಿಸ್ತಾನಕ್ಕೆ ಹಾರಿದ ಅಂಜುವಿನ ನಂತರ ಈಗೊಬ್ಬ ಜರ್ಮನಿಯ ಯುವತಿ ಕುಂದಾಪುರದ ಯುವಕನನ್ನು ವಿವಾಹವಾಗಿದ್ದಾರೆ.
ಜರ್ಮನಿಯಲ್ಲಿ ಉದ್ಯೋಗಿಯಾಗಿದ್ದ ಕುಂದಾಪುರ ತಾಲೂಕಿನ ಆಜ್ರಿ ಮೂಲದ ಚಂದನ್‌ ಅಲ್ಲಿ ಶಿಕ್ಷಕಿಯಾಗಿದ್ದ ಕಾರಿನ್ ರನ್ನು ಪ್ರೀತಿಸುತ್ತಿದ್ದು, ಈಗ ಈ ಜೋಡಿ ಭಾರತಕ್ಕೆ ಬಂದು ಜ.೧ರಂದು ಹಿಂದೂ ಸಂಪ್ರದಾಯದಂತೆ ಸಿದ್ದಾಪುರ ಸಮೀಪದ ಚಿತ್ತೇರಿ ಶ್ರೀ ಬ್ರಹ್ಮಲಿಂಗೇಶ್ವರ ದೇವಸ್ಥಾನದಲ್ಲಿ ಎರಡೂ ಪರಿವಾರಗಳ ಒಪ್ಪಿಗೆಯೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ.
