ರಜನೀಕಾಂತ್ ನಟನೆಯ ‘ಜೈಲರ್’ ಸಿನಿಮಾದ ಆಕ್ಷನ್ ಭರಿತ ಟ್ರೈಲರ್ ಬಿಡುಗಡೆ ಆಗಿದೆ. ಟ್ರೈಲರ್ನಲ್ಲಿ ರಜನೀಕಾಂತ್ರ ಎರಡು ಭಿನ್ನ ಅವತಾರಗಳನ್ನು ತೋರಿಸಲಾಗಿದೆ. ಸಿನಿಮಾದಲ್ಲಿ ಕಾಮಿಡಿ, ಆಕ್ಷನ್ ಜೊತೆಗೆ ಭಾವುಕ ಸನ್ನಿವೇಶಗಳೂ ಇರಲಿವೆ ಎಂಬುದನ್ನು ಟ್ರೈಲರ್ ಸೂಚ್ಯವಾಗಿ ಹೇಳುತ್ತಿದೆ. ಎಲ್ಲವೂ ಚೆನ್ನಾಗಿದೆಯಾದರೂ ಟೀಸರ್ನಲ್ಲಿ ಖದರ್ ಆಗಿ ಕಾಣಿಸಿಕೊಂಡಿದ್ದ ಶಿವಣ್ಣ ಟ್ರೈಲರ್ನಲ್ಲಿ ನಾಪತ್ತೆಯಾಗಿದ್ದಾರೆ.
ಟ್ರೈಲರ್ ಅನ್ನು ಕೇವಲ ರಜನೀಕಾಂತ್ಗೆ ಮಾತ್ರವೇ ಮೀಸಲಿಟ್ಟಂತಿದೆ. ಶಿವರಾಜ್ ಕುಮಾರ್ ಹಾಗೂ ಮೋಹನ್ಲಾಲ್ ಇಬ್ಬರೂ ಟ್ರೈಲರ್ನಲ್ಲಿ ಕಂಡು ಬಂದಿಲ್ಲ. ಇದು ಶಿವಣ್ಣನ ಅಭಿಮಾನಿಗಳಿಗೆ ತುಸು ಬೇಸರ ತರಿಸುವ ಸಾಧ್ಯತೆ ಇದೆ.
ಟ್ರೈಲರ್ನಲ್ಲಿ ಮೂರು ನಾಲ್ಕು ಶೇಡ್ಗಳಲ್ಲಿ ರಜನೀಕಾಂತ್ ಕಾಣಿಸಿಕೊಂಡಿದ್ದಾರೆ. ‘ಜೈಲರ್’ ಸಿನಿಮಾವನ್ನು ನೆಲ್ಸನ್ ನಿರ್ದೇಶನ ಮಾಡಿದ್ದಾರೆ. ಈ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ನಟ ಶಿವರಾಜ್ ಕುಮಾರ್, ಮಲಯಾಳಂ ನಟ ಮೋಹನ್ಲಾಲ್, ತೆಲುಗು ನಟ ಸುನಿಲ್, ಬಾಲಿವುಡ್ನ ಜಾಕಿ ಶ್ರಾಫ್ ಮಲಯಾಳಂನ ವಿನಾಯಗನ್ ನಟಿಸಿದ್ದಾರೆ. ಇವರುಗಳ ಹೊರತಾಗಿ ನಟಿ ತಮನ್ನಾ, ರಮ್ಯಕೃಷ್ಣ ಅವರುಗಳು ಸಹ ಇದ್ದಾರೆ. ‘ಜೈಲರ್’ ಸಿನಿಮಾ ಆಗಸ್ಟ್ 10ಕ್ಕೆ ಬಿಡುಗಡೆ ಆಗಲಿದೆ.
