ಮುಂಬೈ: ಮಾಜಿ ಅಂಡರ್ 19 ಆಟಗಾರ ಮತ್ತು ಐಪಿಎಲ್ನಲ್ಲಿ ಮುಂಬೈ ತಂಡವನ್ನು ಪ್ರತಿನಿಧಿಸಿದ್ದ ಮೃಣಾಂಕ್ ಸಿಂಗ್ ಎಂಬ ಕ್ರಿಕೆಟಿಗನನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ. 25 ವರ್ಷದ ಮಾಜಿ ಕ್ರಿಕೆಟಿಗ ತಾಜ್ ಪ್ಯಾಲೇಸ್ ಸೇರಿದಂತೆ ಐಷಾರಾಮಿ ಹೋಟೆಲ್ಗಳಲ್ಲಿ ಲಕ್ಷಾಂತರ ರೂಪಾಯಿ ವಂಚಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅರೆಸ್ಟ್ ಮಾಡಲಾಗಿದೆ.
ಮೃಣಾಂಕ್ ಸಿಂಗ್ ಜುಲೈ 2022ರಲ್ಲಿ ತಾಜ್ ಪ್ಯಾಲೇಸ್ಗೆ 5.5 ಲಕ್ಷ ರೂಪಾಯಿ ವಂಚಿಸಿದ್ದನು. ಟೀಂ ಇಂಡಿಯಾದ ಆಟಗಾರ ರಿಷಬ್ ಪಂತ್ಗೂ ಕೂಡ 2020 ಮತ್ತು 2021ರಲ್ಲಿ 1.63 ಕೋಟಿ ವಂಚಿಸಿರುವ ಪ್ರಕರಣ ಆತನ ಮೇಲಿದೆ.
ಮೃಣಾಂಕ್ ಸಿಂಗ್ ಹರ್ಯಾಣ ಅಂಡರ್ 19 ತಂಡ ಮತ್ತು ಮುಂಬೈ ಇಂಡಿಯನ್ಸ್ ತಂಡವನ್ನು ಪ್ರತಿನಿಧಿಸಿದ್ದನು. ಆದರೀಗ ಆತನನ್ನು ಪೊಲೀಸರು ಬಂಧಿಸಿದ್ದಾರೆ. ಇದಲ್ಲದೆ, ಮೃಣಾಂಕ್ ಸಿಂಗ್ ಐಜಿಐ ಏರ್ಪೋರ್ಟ್ನಲ್ಲಿ ತಾನೋಬ್ಬ ಐಪಿಎಸ್ ಅಧಿಕಾರಿ ಎಂಬ ರೀತಿಯಲ್ಲಿ ವಂಚಿಸಿದ್ದಾನೆ ಎಂದು ಕರ್ನಾಟಕದ ಎಡಿಜಿಪಿ ಅಲೋಕ್ ಕುಮಾರ್ ತಿಳಿಸಿದ್ದಾರೆ.