ಮಿಜೋರಾಂ: ಬರ್ಮಾ ಸೇನೆಯ ವಿಮಾನವೊಂದು ಲೆಂಗ್ಪುಯಿ ವಿಮಾನ ನಿಲ್ದಾಣದಲ್ಲಿ ಅಪಘಾತಕ್ಕೀಡಾಗಿದ್ದು, ಆರು ಮಂದಿ ಗಾಯಗೊಂಡಿದ್ದಾರೆ. ರನ್ವೇಯಿಂದ ಜಾರಿದ ವಿಮಾನ ಹೊಲಕ್ಕೆ ಹೋಗಿ ಅಪ್ಪಳಿಸಿದೆ. ಘಟನೆ ಮಿಜೋರಾಂ ಲೆಂಗ್ಪುಯಿ ಎರ್ಪೋರ್ಟ್ ಬಳಿ ನಡೆದಿದೆ.
ಮಯನ್ಮಾರ್ ಬಂಡುಕೋರರು ನಡೆಸಿದ ಗಲಭೆ ವೇಳೆ ಜೀವ ಉಳಿಸಿಕೊಳ್ಳುವ ಸಲುವಾಗಿ ಸೇನಾ ಸಿಬ್ಬಂದಿ ಇಶಾನ್ಯದಲ್ಲಿ ಆಶ್ರಯ ಪಡೆದಿದ್ದರು. ಇವರನ್ನು ಏರ್ಲಿಫ್ಟ್ ಮಾಡುವ ಸಂಬಂಧ ಮಯನ್ಮಾರ್ ವಿಮಾನವು ಮಿಜೋರಾಂ ವಿಮಾನ ನಿಲ್ದಾಣಕ್ಕೆ ಬಂದಿತ್ತು. ಇಲ್ಲಿಂದ ಹೊರಡುವ ವೇಳೆ ರನ್ವೇ ನಿಂದ ಜಾರಿ ಅನಾಹುತ ಸಂಭವಿಸಿದೆ.
ಭಾರತವು ನಿನ್ನೆ ಸುಮಾರು 184 ಮಯನ್ಮಾರ್ ಸೈನಿಕರನ್ನು ಸುರಕ್ಷಿತವಾಗಿ ತವರಿಗೆ ಕಳುಹಿಸಿದೆ. ಅಸ್ಸಾಂ ರೈಫಲ್ಸ್ ನೀಡಿರುವ ಮಾಹಿತಿ ಪ್ರಕಾರ ಮಯನ್ಮಾರ್ನಲ್ಲಿ ಉಂಟಾದ ಘರ್ಷಣೆ ಬೆನ್ನಲ್ಲೇ, ಅಲ್ಲಿಂದ ಒಟ್ಟು 276 ಯೋಧರು ಭಾರತವನ್ನು ಪ್ರವೇಶ ಮಾಡಿದ್ದಾರೆ. ಅವರಲ್ಲಿ 184 ಸಿಬ್ಬಂದಿಯನ್ನು ವಾಪಸ್ ಕಳುಹಿಸಲಾಗಿದೆ.
