ಬೆಂಗಳೂರು: ಬೆಂಗಳೂರಿನ ಸ್ಟಾರ್ಟ್ ಅಪ್ ಮಹಿಳಾ ಸಿಇಒ ಸುಚನಾ ತನ್ನ ಮಗನನ್ನು ಕೊಂದು ಸೂಟ್ ಕೇಸ್ ನಲ್ಲಿ ಸಾಗಿಸಿದ ಪ್ರಕರಣ, ಇದೀಗ ಈ ಮಗುವಿನ ಅಂತ್ಯಕ್ರಿಯೆ ಇಂದು ಹರಿಶ್ಚಂದ್ರ ಘಾಟ್ನಲ್ಲಿ ನಡೆದಿದೆ. ಮಗುವಿನ ತಂದೆ ವೆಂಕಟರಮಣ ಮತ್ತು ಸಂಬಂಧಿಕರಿಂದ ವಿಧಿ ವಿಧಾನಗಳ ಮೂಲಕ ಕೊನೆಯ ಕಾರ್ಯ ಮಾಡಿದ್ದಾರೆ. ತಂದೆ ವೆಂಕಟರಮಣ ಕೈಯಾರೆ ಮಗುವನ್ನು ಹರಿಶ್ಚಂದ್ರ ಫಾಟ್ಗೆ ಕೊಂಡೊಯ್ದು ಅಂತಿಮ ವಿಧಾನ ನೆರವೇರಿಸಿ, ಕಣ್ಣೀರಿನ ಮೂಲಕ ವಿದಾಯ ಹೇಳಿದ್ದಾರೆ.
ಮಗುವಿನ ಮರಣೋತ್ತರ ಪರೀಕ್ಷೆಯ ಬಳಿಕ ಐಮಂಗಲ ಪೊಲೀಸ್ ಠಾಣೆಯಿಂದ ಬೆಂಗಳೂರಿಗೆ ಮಗುವಿನ ಮೃತದೇಹ ರವಾನಿಸಲಾಗಿತ್ತು. ಮಧ್ಯರಾತ್ರಿ 1:45 ಕ್ಕೆ ಮಗುವಿನ ಮೃತದೇಹ ತಲುಪಿತ್ತು. ಯಶವಂತಪುರ ಬಳಿಇರುವ ಬ್ರಿಗೇಡ್ ಗೇಟ್ ವೇ ರೆಸಿಡೆನ್ಸಿಯಲ್ಲಿರುವ ತಂದೆ ವೆಂಕಟರಮಣ ನಿವಾಸವಿದ್ದು, ಮಗುವಿನ ತಂದೆ ಮತ್ತು ಕುಟುಂಬಸ್ಥರು ಸೇರಿ ಅಂತ್ಯಕ್ರಿಯೆ ನೆರವೇರಿಸಿದ್ದಾರೆ.
