ಮುಂಬೈ: ಸೋನಿ ಇಂಡಿಯಾದೊಂದಿಗೆ ಜೀ ಎಂಟರ್‌ಟೇನ್ಮೆಂಟ್‌ ಎಂಟರ್‌ಪ್ರೈಸಸ್‌ ಲಿ. ವಿಲೀನ ಪ್ರಸ್ತಾವಕ್ಕೆ ಗುರುವಾರ ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ(ಎನ್‌ಸಿಎಲ್‌ಟಿ) ಅನುಮೋದನೆ ನೀಡಿದೆ.
2021ರಲ್ಲೇ ಸೋನಿ ಇಂಡಿಯಾದೊಂದಿಗೆ ಜೀ ಎಂಟರ್‌ಟೇನ್ಮೆಂಟ್‌ ಎಂಟರ್‌ಪ್ರೈಸಸ್‌ ಲಿ. ವಿಲೀನದ ಘೋಷಣೆ ಮಾಡಲಾಗಿತ್ತು.
ಜು.10ರಂದು ಎನ್‌ಸಿಎಲ್‌ಟಿ ತನ್ನ ತೀರ್ಪನ್ನು ಕಾಯ್ದಿರಿಸಿತ್ತು. ಇದೇ ವೇಳೆ, ಷೇರು ಮಾರುಕಟ್ಟೆಯಲ್ಲಿ ಗುರುವಾರ ಜೆಡ್‌ಇಇಎಲ್‌ನ ಬಿಎಸ್‌ಸಿ ಷೇರಿನ ಬೆಲೆ ಶೇ.18ರಷ್ಟು ಏರಿಕೆ ಆಗಿ, 285.55 ರೂ. ಆಗಿತ್ತು. ವಿಲೀನದ ನಂತರ ಸೋನಿ ಇಂಡಿಯಾದ ಮಾರುಕಟ್ಟೆ ಮೌಲ್ಯ 1,000 ಕೋಟಿ ರೂ. ಆಗಲಿದೆ. ಜೀ ಕಂಪನಿಯ ವಿರುದ್ಧ ದಿವಾಳಿತನ ಪ್ರಕರಣ ಬಾಕಿ ಇದ್ದ ಕಾರಣ ವಿಲೀನ ಪ್ರಕ್ರಿಯೆ ನಿಧಾನವಾಗಲು ಕಾರಣವಾಯಿತು.
