ಹಾಸನ: ಇದೀಗ ಪ್ರಜ್ವಲ್ ರೇವಣ್ಣ ಅವರ ಅಶ್ಲೀಲ ವಿಡಿಯೋ ಪ್ರಕರಣ್ಣಕ್ಕೆ ಸಂಬಂಧ ಪಟ್ಟಂತೆ ಜಿಲ್ಲಾಧಿಕಾರಿ ಸಿ. ಸತ್ಯಭಾಮ ಮಾತನಾಡಿದ್ದು ಯಾರಾದ್ರೂ ಸಂತ್ರಸ್ತೆ ಪೊಲೀಸ್ ರಕ್ಷಣೆ ನೀಡುವಂತೆ ಕೇಳಿದ್ರಾ ಅನ್ನೋ ಪ್ರಶ್ನೆಗೆ ಹಾಸನ ಜಿಲ್ಲಾಧಿಕಾರಿ ಸಿ. ಸತ್ಯಭಾಮ ಉತ್ತರ ನೀಡಿದ್ದಾರೆ. ಯಾರು ಇದುವರೆಗೂ ರಕ್ಷಣೆ ಕೊಡಿ ಎಂದು ನನ್ನ ಬಳಿ ಬಂದಿಲ್ಲ. ನಾನು ಆಫೀಸ್ನಲ್ಲೇ ಇರುತ್ತೇನೆ, ಯಾರು ಬೇಕಾದ್ರೂ ಬಂದು ರಕ್ಷಣೆ ಕೇಳಬಹುದು ಎಂದಿದ್ದಾರೆ.
ನನಗೆ ಸಿಎಂ ಸಿದ್ದರಾಮಯ್ಯ ಆಗಲಿ, ಡಿಸಿಎಂ ಡಿ.ಕೆ ಶಿವಕುಮಾರ್ ಅವರಾಗಲಿ ಯಾವುದೇ ಸೂಚನೆ ನೀಡಿಲ್ಲ. ಪ್ರಭಾವಿ ರಾಜಕಾರಣಿಗಳು ಎಂದು ಸರ್ಕಾರದಿಂದ ಯಾವುದೇ ಒತ್ತಡ ಇಲ್ಲ. ನಾವು ಅದಕ್ಕೆ ತಲೆ ಕೂಡ ಕಡೆಸಿಕೊಳ್ಳುವುದಿಲ್ಲ. ಯಾರಿಗಾದ್ರೂ ರಕ್ಷಣೆ ಬೇಕಾದ್ರೆ ನೀಡುತ್ತೇವೆ. ನಾವು ಯಾವುದಕ್ಕೂ ಹೆದರುವುದಿಲ್ಲ ಎಂದರು.