ಮುಂಬೈ: ಕಳೆದ ಶುಕ್ರವಾರ (ಮಾರ್ಚ್ 8) ಬಿಡುಗಡೆಯಾದ ಶೈತಾನ್ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಉತ್ತಮವಾಗಿ ಕಲೆಕ್ಷನ್ ಮಾಡುತ್ತಿದೆ. ವಿಶ್ವಾದ್ಯಂತ ‘ಶೈತಾನ್’ ಕಲೆಕ್ಷನ್ 100 ಕೋಟಿ ರೂಪಾಯಿಯಾಗಿದೆ ಎಂದು ವರದಿ ಆಗಿದೆ. ಇನ್ನೂ ಅನೇಕ ಕಡೆಗಳಲ್ಲಿ ಈ ಸಿನಿಮಾ ಪ್ರದರ್ಶನ ಕಾಣುತ್ತಿದೆ.
ಅಜಯ್ ದೇವಗನ್ ನಟನೆಯ ‘ಶೈತಾನ್’ ಸಿನಿಮಾದಲ್ಲಿ ಆರ್. ಮಾಧವನ್ ಅವರು ನೆಗೆಟಿವ್ ಪಾತ್ರ ಮಾಡಿದ್ದರೆ, ಈ ಸಿನಿಮಾಗೆ ವಿಕಾಸ್ ಬಹ್ಲ್ ಅವರು ನಿರ್ದೇಶನ ಮಾಡಿದ್ದಾರೆ. ಯುವತಿಯನ್ನು ವಶೀಕರಣ ಮಾಡುವ ಕಥೆ ಈ ಸಿನಿಮಾದಲ್ಲಿದೆ. ‘ಶೈತಾನ್’ ಸಿನಿಮಾ ಗುಜರಾತಿ ಭಾಷೆಯ ‘ವಶ್’ ಸಿನಿಮಾದ ಬಾಲಿವುಡ್ ರಿಮೇಕ್.
ಮೊದಲ ದಿನ: 15.21 ಕೋಟಿ ರೂಪಾಯಿ. ಎರಡನೇ ದಿನ: 19.18 ಕೋಟಿ ರೂಪಾಯಿ. ಮೂರನೇ ದಿನ: 20.74 ಕೋಟಿ ರೂಪಾಯಿ. ನಾಲ್ಕನೇ ದಿನ: 7.81 ಕೋಟಿ ರೂಪಾಯಿ. ಐದನೇ ದಿನ: 6.27 ಕೋಟಿ ರೂಪಾಯಿ ಗಳಿಕೆ ಮಾಡಿದೆ.
6ನೇ ದಿನವೂ ‘ಶೈತಾನ್’ ಚಿತ್ರ ಉತ್ತಮವಾಗಿ ಪ್ರದರ್ಶನವಾಗುತ್ತಿದೆ. ಈವರೆಗೂ ಭಾರತದಲ್ಲಿ ಈ ಸಿನಿಮಾದ ಗಳಿಕೆ 80 ಕೋಟಿ ರೂಪಾಯಿ ಆಗಿದೆ ಎಂದು ಹೇಳಲಾಗುತ್ತಿದೆ.
ವಿದೇಶದಿಂದ 20 ಕೋಟಿ ರೂಪಾಯಿ ಆದಾಯ ಹರಿದುಬಂದಿರುವ ಬಗ್ಗೆ ವರದಿ ಆಗಿದೆ. ಎರಡೂ ಸೇರಿಸಿದರೆ ‘ಶೈತಾನ್’ ಕಲೆಕ್ಷನ್ 100 ಕೋಟಿ ರೂಪಾಯಿ ಗಡಿ ಮುಟ್ಟಿದೆ.
