ಪೆನ್ಸಿಲ್ವೇನಿಯಾದ ವಿಚಿತ್ರ ಘಟನೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ. ಮನೆಯಲ್ಲಿಟ್ಟಿದ್ದ $4,000 (3,32,640.80 ರೂಪಾಯಿ) ನಾಪತ್ತೆಯಾಗಿದ್ದು, ಸೂಕ್ಷ್ಮವಾಗಿ ಪರಿಶೀಲಿಸಿದಾಗ ಅವರ ಸಾಕು ನಾಯಿ ನೋಟುಗಳನ್ನು ಜಗಿಯುತ್ತಿರುವುದು ಕಂಡು ಬಂದಿದೆ. ಮುದ್ದಿನಿಂದ ಸಾಕಿದ ನಾಯಿಯನ್ನು ಹೊಡೆಯಲಾಗದೆ ಮಾಲೀಕರು ದಿಕ್ಕು ತೋಚದ ಸ್ಥಿತಿಯಲ್ಲಿ ಕುಳಿತ್ತಿದ್ದಾರೆ.
ಹೌದು. . ಸಾಕಷ್ಟು ನೋಟುಗಳನ್ನು ಜಗಿದು ತಿಂದಿದ್ದು, ಉಳಿದದ್ದನ್ನು ಚೂರು ಚೂರಾಗಿ ಹರಿದು ಹಾಕಿದೆ. ನಾಯಿ ಕರೆನ್ಸಿ ನೋಟುಗಳನ್ನು ತಿಂದು ಉಳಿದ ನೋಟುಗಳನ್ನು ಹರಿದು ಹಾಕಿರುವುದನ್ನು ಅರಿತ ದಂಪತಿ ಕೂಡಲೇ ತಮ್ಮ ನಾಯಿಯನ್ನು ಪಶುವೈದ್ಯರ ಬಳಿ ಕರೆದೊಯ್ದಿದ್ದಾರೆ. ಬಳಿಕ ಬ್ಯಾಂಕ್ಗೆ ತೆರಳಿದ ದಂಪತಿಗಳು ಘಟನೆಯನ್ನು ವಿವರಿಸಿದ್ದಾರೆ.
ನೋಟುಗಳ ಕ್ರಮಸಂಖ್ಯೆ ಸಿಕ್ಕರೆ ಬ್ಯಾಂಕ್ ಗೆ ಜಮಾ ಮಾಡಬಹುದು ಬ್ಯಾಂಕ್ ಸಿಬ್ಬಂದಿ ತಿಳಿಸಿದ್ದಾರೆ. ದಂಪತಿಗಳು ಹರಿದ ನೋಟುಗಳನ್ನು ಹುಡುಕತೊಡಗಿದ್ದು,ಇದಕ್ಕಾಗಿ ನಾಯಿಯ ಮಲ ಮತ್ತು ವಾಂತಿ ಎತ್ತಿಕೊಂಡು ಅದರಲ್ಲಿ ನೋಟುಗಳನ್ನು ಹುಡುಕತೊಡಗಿದ್ದಾರೆ.
ಬಳಿಕ ಆ ನೋಟುಗಳನ್ನು ಸ್ವಚ್ಛಗೊಳಿಸಿ ನೋಟುಗಳನ್ನು ಜೋಡಿಸಿದ್ದಾರೆ. ಹರಸಾಹಸದ ನಂತರ ದಂಪತಿಗೆ 3,550 ಡಾಲರ್ (2 ಲಕ್ಷದ 95 ಸಾವಿರದ 137 ರೂ.) ಮೌಲ್ಯದ ನೋಟುಗಳು ಸಿಕ್ಕಿವೆ. ಈ ವಿಡಿಯೋವನ್ನು ದಂಪತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ವಿಡಿಯೋದಲ್ಲಿ ನಾಯಿಯ ಮಲದಲ್ಲಿ ನೋಟುಗಳನ್ನು ಹುಡುಕುತ್ತಿರುವುದನ್ನು ಕಾಣಬಹುದು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
https://www.instagram.com/reel/C01rnKxr4pp/?utm_source=ig_web_copy_link
